» , , ,
Откажан и салонот на мотоцикли во Токио (видео)

И во 2021-вата без салони

» Годината 2020-та сите ќе сакаат да ја заборават – скоро сите настани беа откажани од пандемијата, а некои заради тоа и нема да преживеат. Во таква атмосфера одржувањето на салонот на автомобилите во Пекинг беше „првата ластовичка“, давајќи ни надеж дека работите полека се средуваат и идната 2021 година ќе започнеме да се враќаме во некаква си нормала. Но, стигна вест од Токио – организаторите го откажаа салонот на мотоциклите кој требаше да се одржи напролет. Официјалната причина не треба да ви ја кажуваме – доволно е да кажеме дека тој беше планиран да се одржи под слоганот „Гледање, допирање и доживување“.

Изразувајќи жалење за одлуката, организаторите во своето соопштение наведуваат дека се надеваат дека сé ќе биде во ред за манифестацијата во 2022 година. Следи краток видео осврт на ланското шоу.

Испрати коментар

Вашата е-мајл адреса нема да биде објавена. Задолжителните полиња се означени со *