Амбасадор на промени
» Во 1991 година Opel Astra од Kadett ја наследи традицијата на пионерски иновации во сегментот на компактни автомобили и ги направи достапни за пошироката јавност. Заедно со својот претходник и повеќе од кој било друг модел, Astra стана амбасадор на промените на марката, пренесувајќи важни пораки од производителот на автомобили до јавноста. Тие вклучуваа експресивен дизајн, разновидност и динамично возење, како и возбуда, пристапност и германска прецизност.
Кога Astra ја доживеа својата светска премиера во 1991 година, светот беше во период на транзиција. Новата генерација на компактниот модел на Opel целосно го отелотвори духот на промената. Се здоби со ново име и богатство од новоразвиени безбедносни системи, како што се затегнувачите на предните појаси. Интерно познат како Astra F, тој исто така се фокусираше на еколошката компатибилност, со високо ниво на рециклирање. Купувачите се собраа во продажните салони и со произведените 4,13 милиони единици помеѓу 1991 и 1997 година, Astra F е најпродаваниот модел на марката досега.
Успехот на Astra F беше тешко да се надмине, па кога дојде време за следната генерација мораше да се направи нешто поразлично од другите. Дизајнерите ја создадоа Astra G со помош на филмот Паркот Јура, што не значи дека моделот е клониран од ДНК на диносаурус. Наместо тоа, дизајнерите користеа компјутерска програма за помош при дизајнирање (CAD) наречена Аlias, која првично беше развиена за компјутерски анимирани филмови, како што беше холивудскиот блокбастер. Софтверот му овозможи на тимот да работи на новиот модел во виртуелна, тродимензионална средина.
Самата Astra H постигна скоро блокбастер статус во 2003 година. За време на премиерата на третата генерација на моделот во Франкфурт, угледниот германски автомобилски магазин Auto Motor und Sport ги праша читателите кој компактен автомобил им се допадна најмногу, а новиот Opel убедливо победи со 52 проценти од гласовите.
Со четвртата генерација, Opel ја прескокна буквата I за да избегне забуна со бројката 1. Така, Astra J беше таа што во 2009 година презема напредни технологии од успешната Insignia и за прв пат ги донесе во компактната класа. Благодарение на предните AFL+ светла Astra прегледно ги осветлуваше свиоците, додека предната Opel Еye камера не само што ги препознаваше сообраќајните знаци, туку можеше да ги предупреди возачите доколку се изложени на ризик да преминат од лентата.
Продолжувајќи ја долгогодишната традиција, Astra K исто така се истакна со својата технологија за осветлување. Европскиот автомобил на 2016 година беше првиот што воведе адаптивни Intelli-Lux LED предни светла кај возилата од компактниот сегмент кои можеа да се пронајдат кај луксузните и премиум модели од повисоките класи. Покрај тоа, кај новата Astra K уште еднаш ја докажа грижата за здравјето на патниците со воведување на ергономските AGR сертифицирани предни седишта, кои можеа да се подобрат и со функции за вентилација и масажа, слично на денешната сосема нова Astra.
Со новиот модел, Opel Astra влегува во својата шеста генерација и започнува уште една нова ера. За прв пат автомобилот од компактна класа ќе биде достапен со електричен погон, како плаг-ин хибрид во две изведби. Покрај тоа, ќе има и верзии со високоефикасни бензински и дизел мотори. Целосно новата Opel Astra го прикажува новиот дизајн на германскиот производител на автомобили – смел и чист, со новото Opel Vizor лице и дигиталниот Pure Panel кокпит.
