Ефикасен но неиздржлив

» G-компресорот е спирален механички компресор чиј основен концепт уште  во 1905 година го има направено францускиот инженер Леон Цре, а Volkswagen во ’80-тите го користеше во моделите Polo, Golf, Corrado и Passat. Ексцентричниот ротор со запчест каиш се врти во спирална комора зголемувајќи го притисокот на воздухот што го зафаќа. Предностите му се рамномерниот пораст на натпритисокот (за разлика од турбокомпресорот) и малите габарити, но е скап и неиздржлив, а при висок број на вртежи на моторот се јавуваат и опасни вибрации.