Британската луксузна марка оствари рекордни продажби

» Кој вели дека е криза? Rolls-Royce во текот на претходната 2021 година испорача рекорден број возила, најмногу во својата 117-годишна историја. Според соопштените што го објавија, лани имаат продадени точно 5.586 возила, што е зголемување за цели 49 отсто во однос на оствареното во 2020 година, но и за околу 8 отсто повеќе отколку исто така рекордната 2019-тата. Носител на порастот е новиот Ghost, но Британците ги радува и огромниот интерес за Cullinan и Phantom, за кои за испорака се чека до третиот квартал годинава. Но фалејќи се дека се апсолутни лидери во сегментот над 250 илјади евра, останаа должни да кажат од кој модел по колку возила имаат произведено.