Навистина најголемиот камион во светот

» МZKT-79221 не може во целост да ја оправда титулата најголем во светот, бидејќи има конкуренција во сопствените редови. Неофицијална, затоа што се работи за камион од кој се направени само два прототипа во 1985 година, кога оваа фабрика се викаше MAZ. Возилото има 12 оски со 24 тркала, а во секое од нив електромотор од 41 KS кои струјата ја добиваат од гасна турбина со 1.250 KS. Комплетните спецификации не се познати бидејќи беше развивано за еден воен проект кој беше откажан во втората половина од осумдесеттите години. Она што е познато е дека е долг 28,2 метри, широк 4,1 и висок 4,4 метри, дека тежи 65,8 тони и дека е конструиран да носи 150 тони, со брзина од 25 km/h. MAZ-7907 успешно ги има поминато тестовите на советската армија, а по откажувањето на проектот двете возила се вратени на фабриката во Минск.