Првиот камион во историјата

» Освен што беше генијален инженер, Готлиб Дајмлер беше и вешт претприемач кој мудро бараше нови начини за поголема продажба на своите производи. Една од неговите идеи беше и конструирањето на првиот камион во историјата. Создаден 1896 година, тој всушност беше конвертирано запрежно возило во чиј заден дел беше сместен двоцилиндричен мотор со зафатнина од 1,06 литри и максимални 4 коњски сили. Монтиран на држачи со пружини за да се намалат вибрациите, тој ги задвижуваше задните тркала преку ременици и планетарни запченици.