Помодерен и помоќен изглед

» После четири години и 260.000 продадени примероци, Citroen C5 Aircross доби помодерен и помоќен изглед. Имплементацијата на новиот дизајнерски јазик веднаш се забележува преку светлата и маската, како и долниот дел од браникот кој потсетува на свежо редизајнираниот C3 Aircross. Нови се и графиката на задните светла и браникот назад, а носачите на покривот и ретровизорите се во сјајна црна боја. Иако изгледа малку, сите овие детали се добро обмислени и одлично се вклопуваат во кросоверската форма на каросеријата што ја познаваме.

Покрај унапредените Advanced Comfort седишта внатрешноста донесува  нова централна конзола со поголемиот 10-инчен екран на инфо-забавниот систем, а сето е дополнето со поквалитетни материјали и подолг попис на безбедносни системи кои се вградуваат. За погон се користат трицилиндричниот турбо бензинец од 130 KS во комбинација со 8-степена автоматика, еднакво моќниот дизел кај кого таа е опција а сериски доаѓа со 6-степен мануелен менувач, на врвот на понудата е плаг-ин хибридниот склоп со максимални 225 KS и батерии кои нудат возење на струја до 55 km, додека за поголемата удобност се грижи подобреното ослонување.

Доработениот C5 Aircross на пазарот ќе пристигне ова лето, а цените ќе бидат објавени дополнително.