Словачка место Турција

» Турција дефинитивно извиси во плановите на Volkswagen. Иако сите подготовки беа направени и се чекаше само на формалната одлука, најпрво воените операции кои донесоа неповолен публицитет во тој момент а сега и пандемијата, ги закопаа плановите на Volkswagen за нова фабрика. Место тоа, производителот ќе се фокусира на постоечките капацитети во Словачка, каде ќе се инвестира многу – на почеток во нова монтажна линија и каросерница. Групата таму сега ги произведува малите градски модели Up, Škoda Citigo и Seat Mii и големите теренци Touareg, Audi Q7, Q8 и Porsche Cayenne, како и каросериите за Bentley Bentayga кои се испраќаат во Велика Британија на докомплетирање. На нив до 2022 ќе им се придружат Passat и Superb, кои беа планирани за Измир. Капацитетите во Германија и Чешка што ќе се ослободат со нивната преселба ќе се искористат за новите електрични модели.