Настана првиот Yugo

» На 2 октомври 1978 година во Крагуевац рачно беше склопен првиот прототип на Yugo, кој тогаш ја имаше ознаката Zastava 102. После тоа беа направени уште три прототипи наменети за испитувања во Италија и Југославија, а еден е подарен на Маршалот Тито. Се проценува дека цената на еден ваков, рачно склопен прототип изнесувала 12 милиони долари. Серискиот модел официјално е претставен во 1980 година на салонот на автомобилите во Белград, а производството му започна во ноември истата година.