Автомобилот кој покрена револуција во автомобилската индустрија замина во историјата

» На денешен ден 1927 година Ford го произведе последниот примерок во САД на Model T, најавувајќи го неговиот наследник Model A заради чие производство погоните беа затворени за да се подготват машините за него. Автомобилот кој ги постави Америка и светот на тркала има значајно место во човековата историја. На Хенри Форд и неговите инженери им требаа цели пет години да направат автомобил каков што сакаа – издржлив и евтин, наменет за широките маси. Во тоа успеаја дури во 20-тиот обид, заради што тој ја доби буквата Т, која е 20-та во абецедата. Ја започна револуцијата во автомобилската индустрија со воведувањето на монтажната лента во 1913 година заради што Ford беше во можност евтино да го произведе притоа плаќајќи ги работниците повеќе – во 1925 година од него се произведуваа по 9 до 10 илјади примероци дневно. На почетокот Model T чинеше 825 долари, што е еквивалент на денешни 23.500. Со текот на времето цената постојано се намалуваше и стигна до само 260 долари (денешни околу 3.800). Неговото производството продолжи надвор од САД – последниот автомобил беше произведен во Ирска во декември 1928 година. Со вкупно 15.007.033 направени остана автомобил со најмногу произведени примероци до 1972 година, кога приматот го презеде Бубата на Volkswagen.