Ќе стигне ли и во Европа?!

» Откако ја обнови стандардната Outlander, Mitsubishi и на неговата PHEV изведба ќе ѝ го даде нејзиниот дизајн. Премиерата на новиот плаг-ин модел е закажана за крајот на месецов, но без детали дали тој ќе пристигне и во Европа. Знаеме скоро сигурно дека нема, но не е исклучено. Засега како негови пазари се споменуваат само Јапонија и САД, каде ќе пристигне оваа и во втората половина од идната година. Освен фотографии однадвор и одвнатре од кои се гледа дека нема никакви разлики во дизајнот, Јапонците не објавија никакви други детали. Се очекува да има хибриден погонски систем чиј бензински мотор ќе работи во комбинација со два електромотора и поголема батерија отколку досега. Ќе добие и ажуриран Super-All Wheel Control систем кој ќе обезбеди подобрено управување и перформанси во сите временски услови. Ќе има седум режими за возење, а ќе се нуди и со три реда седишта.