Првиот автомобил во Централна и Источна Европа

» На денешниот ден 1898 година автомобилот наречен Präsident од компанијата Nesselsdorfer Wagenbau-Fabriks-Gesellschaft A.G., денешна Tatra, тргна на пат од Копривнице до Виена за да учествува на изложбата по повод јубилејот на императорот Франц Јозеф. Патувањето долго 328 километри кое траеше 14,5 часа и на кое беше постигната просечна брзина од 22,6 километри на час помина без позначајни дефекти. Овој автомобил е првиот фабрички направен не само во денешна Чешка, туку и во заедничкото кралство на Австрија и Унгарија и цела Централна и Источна Европа. Тој исто така се смета и за првиот автомобил кој имаше преден браник, а беше опремен и со диференцијал.