Ремек-дело на мото технологијата

» Peugeot само што објави дека сите возила во Европа од 2030-та ќе им бидат електрични што е за секоја пофалба, ама не ги спомена мотоциклите. Не ни можеше бидејќи нивното мото-одделение е во доминантна сопственост на Mahindra од Индија, од каде доаѓа и оваа идеја за електричен мотоцикл на брендот Peugeot. За жал, освен дека е дело на извесен Палав Гупта од градот Дехрадун кој се наоѓа на крајниот север на земјата, ниту за него ниту за неговата замисла нема ниту збор – сé што постои е оваа единствена слика креирана во Photoshop. Затоа, освен „Браво, мајсторе!“, за жал, не можеме ништо повеќе да кажеме.