Почеток на една успешна приказна

» На денешен ден 2005 година започна со работа заедничката фабрика на PSA и Toyota во Колин, Чешка. За неа двете компании во неа го дадоа најдоброто што го има во поглед на технологиите, знаењето и организацијата на производството. Затоа и пазарниот успех на моделите кои таму се произведуваа, Peugeot 107 односно 108, Citroen C1 и Toyota Aygo, беше неминовен. Вкупната инвестиција изнесуваше 1,3 милијарди евра, капацитетот  300 илјади возила годишно, а бројот на вработени 3.000. Од почетокот на ланската година фабриката премина целосно во јапонски раце.