Единствениот Fiat со V8 мотор

» На салонот во Женева пред 70 години Fiat предизвика сензација со претставувањето на моделот 8V, што требаше да означува дека има V8 мотор. „Збрката“ со името дојде оттаму што Италијаните во тоа време сметаа дека Ford ја има регистрирано ознаката V8. Дволитарскиот мотор имаше агол меѓу цилиндрите од 70° и развиваше 105 коњски сили со кои постигнуваше максимална брзина од 190 километри на час. Ова спортското купе со агресивен стајлинг немаше комерцијален успех – за две години беа направени само 114 примероци, но затоа стекна доста добра слава на трките. Повеќето произведени примероци излегоа од разни италијански каросерници – Zagato, Ghia, Vignale, Balbo, Bertone, Pininfarina…