Како звучи тркачки подготвено Ferrari 550 Maranello GT кога фуриозно ќе се впушти во совладување на ридска патека?

» Ридската патека Кроноскалата дел Ревентино е малку позната, но затоа натпреварувачкиот Ferrari 550 Maranello GT не мора посебно да се претставува. Неговиот V12 мотор сместен во носот, во ова издание располага со непозната бројка на коњски сили, но тоа и не е така важно.

Иако на моменти видео снимката делува како да е сечена, лепена и монтирана, сепак станува збор за реална слика за капацитетите на болидот. Најдобар доказ за тоа е звукот кој излегува од издувните цевки. Притоа прашањето за постоење на некоја вакцина која би не оставила рамнодушни при слушањето на таа симфонија, звучи сосема во ред.

Како и да е, пуштете ги звучниците докрај и препуштете се на волшебната звучна кулиса – ви гарантираме сериозни адреналински дози!