Умно решение за одвод на дожд од церадите

» Дождот знае да направи големи проблеми на стоката која се наоѓа во камиони со церада. За да се спречи тоа, германската фирма K & M има решение. Наречено е Roof Safety Airbag и иако го дели името со воздушните перничиња што штитат во случај на сообраќајна несреќа, со нив нема врска. Добро, принципот на работа малку наликува, но RSAB всушност е црево кое се монтира под горната површина на церадата кое со своето надувување ја подигнува, со што се постигнува ефект на покрив на куќа. Системот е едноставен и се монтира без многу мака, а ниту отворањето на горната површина на церадата не претставува никаков проблем.