Имало и бетер

» Мислевме дека денешните дизајнери на BMW предводени со Хрватот Домагој Ѓукец се проблематични, ама подобрите познавачи на марката ќе се сетат на концептниот Garmisch. Неговата врска со баварската компанија сепак е лабава бидејќи е изработен од Марчело Гандини за Bertone како независен дизајнерски предлог наменет да ја покаже креативноста на студиото, кој после дебитирањето на салонот на автомобилите во Женева во 1970 година мистериозно исчезна. Злобните јазици ќе кажат дека е уништен без траги – погодувате зошто. Во знак на почит кон нејзиниот креатор, BMW врз основа на скудната документација, малиот избор оригинални фотографии повеќето црно-бели и сеќавањата на самиот Гандини, изработи верна копија на овој уникатен концепт.