Нешто сосема поинакво

» И тоа го има – Aaglander е германски малосериски производител основан 2003 година на возила чии модели се моторни кочии налик на оние од 19-тиот век. Но не се реплика на нешто што постоело тогаш туку нивни автентични модели. Ги има два, со две или четири до шест седишта и во нив се вградува трицилиндричен Kubota дизел со 20 коњски сили, со кои развиваат 20 km/h. Менувачот има по еден степен за напред и за назад, а на сите четири тркала се монтирани диск сопирачки. Не е познато колку примероци се направени. Цената им е шестцифрена.