Фото-приказна за Renault Clio

» Од 1990 година кога се појави, Renault Clio доживеа пет генерации и стигна до 16 милиони купувачи. Повеќе од три децении поставува стандарди во класата, а заедно со Golf се единствените модели кои по два пати ја имаат освоено титулата „Автомобил на годината“ во Европа. Clio е и еден од ретките кој му има земено мерка на европскиот бестселер симнувајќи го од тронот според месечната продажба. Заслуга за тоа имаат 33-те години еволуција на дизајнот и технологиите, исполнување на желбите и потребите на купувачите. Но и покрај промените Renault успеа да му ги зачува гените кои го направија така успешен. Модерен и динамичен уште од првиот ден, Clio ја испишуваше својата успешна приказна со целосна формула – високи стандарди кога е збор за пространоста и удобноста, иновативни технологии преземени од возилата од повисоките сегменти, квалитет без дискусија, привлечен дизајн, апсолутна безбедност, грижа за екологијата, како и разумната цена… Едноставно, ништо не беше испуштено или занемарено.