Најскапо во Холандија, најевтино во Русија

» Порано патувавме и колку-толку знаевме колку чинат горивата во Европа, барем во земјите низ кои поминувавме. Сега сме статични, но цените на горивата не се – тие си се менуваат како што се менуваат. И иако никој кај нас веќе не го поставува прашањето колку чинат горивата во странство, ние ви ги сервираме и тие информации.

Како што се гледа од табелата (цените се дадени во евра), додека кај нас чини 0,956 евра пресметано според средниот курс на народната банка, бензинот 95 е далеку најскап во Холандија – дури 1,517 евра за литар, а најевтин во Русија – само 0,518 евра. Дизелот пак најскап е во Албанија 1,367 евра (кај нас 0,835 евра), а најевтин повторно во Русија – 0,522 евра. Од земјите околу нас бензинот е најскап во Грција каде чини 1,435 евра за литар, а најевтин во Турција – 0,739 евра, каде и за дизел се плаќа најмалку – 0,662 евра.

Во табелата се дадени просечните цени на горивата, кои скоро секаде се разликуваат буквално од пумпа до пумпа, од ден до ден.