Некогаш легенда кај нас, а сега и во светот

» Фиќо во погоните на Zastava се произведуваше триесет години – од 1955 до 1985-тата, за кои беа направени 923.487 примероци. Ја моторизираше Југославија и сосема заслужено стана култен автомобил на овие простори. Забот на времето и безмилосната експлоатација ја преживеаја ретки примероци, меѓу кои има и вакви како овој што се продава. Се работи за Zastava 750 LC од март 1980 година со поминати само 7.684 километри, плус на тоа и одлично реставриран. Заради тоа и германскиот трговец со автомобили Autohaus Ochsenhausen GbR кој го има изложено на централното место во својот салон бара за него 7.400 евра.