Првиот автомобил со дизел мотор

» Mercedes 260D, првиот сериски произведуван автомобил со дизел мотор, беше претставен на денешен ден 1936 година. Во него се вградуваше 2,6 литарски четирицилиндричен мотор тежок 300 килограми кој развиваше 45 KS при 3.200 вртежи во минута. Постигнуваше 90 km/h и трошеше 11 l/100 km, но цената на дизелот во тоа време беше за половина пониска од бензинот. До 1940 година кога Mercedes премина на воено производство беа направени 1.967 примероци.