Повторно корејски или можеби германски?

» Жирито за избор на светскиот автомобил на годината ги објави финалистите за титулата, меѓу кои два модела се корејски а еден германски. За неа годинава ќе се борат BMW X1/iX1, Hyundai Ioniq 6 и Kia Niro, а кој ќе победи ќе дознаеме на 5 април на салонот на автомобилите во Њујорк. Објавени се и кандидатите кои влегоа во потесен избор во другите категории, и тоа за електричен автомобил BMW i7, Hyundai Ioniq 6 и Lucid Air, за луксузен BMW серија 7/i7, Genesis G90 и Lucid Air, за перформансен Kia EV6 GT, Nissan Z и Toyota GR Corolla, за урбан Citroen C3, Ora Funky Cat и Volkswagen Taigo, додека по потесниот избор за дизајн на годината влегоа Hyundai Ioniq 6, Range Rover и Lucid Air. Да потсетиме, сé уште актуелен носител на титулата е Hyundai Ioniq 5.