Крај на една ера

» На денешен ден 1986 година заврши американското Olympus рели кое беше последно на кое учествуваа возилата од монструозната група Б. Одлуката за нејзиното укинување беше донесена после трагедиите во Португалија и Корзика кои однесоа пет живота. Регулаторите сфатија дека возилата се пресилни и тешко се контролираат и го забранија нивниот понатамошен развој најавувајќи го укинувањето на групата на крајот на сезоната. Незадоволни од тоа поголем дел од тимовите веднаш го напуштија шампионатот оставајќи ги само Peugeot и Lancia во меѓусебна жестока борба.