Најстариот јапонски производител на автомобили

» На денешен ден 1907 година основана е компанијата Hatsudoki Seizo, која во 1951-вата беше преименувана во Daihatsu. Нејзиното формирање беше во голема мера под влијание на одделот за инженерство на универзитетот во Осака за да се развие бензински мотор за мали електрични централи. Во ’20-тите години фокусот се префрли на производство на возила и првиот доставен мотоцикл со три тркала беше претставен во 1930-тата, а седум години подоцна беа претставени и првото доставно возило со четири тркала и првиот автомобил. Денес Daihatsu е дел од Toyota групата.