Opel Mokka-e е прогласена за најдобар автомобил под 25.000 евра

» Победувајќи ја силната конкуренција, новата Opel Mokka-e ја освои наградата „Златен управувач“ за 2021-ва во категоријата под 25.000 евра. Со освојувањето на оваа една од најпрестижните награди во автомобилската индустрија, Mokka-e беспрекорно го продолжува серискиот успех на Opel кој досега е награден 19 пати. „Opel Mokka-e е сé освен обична, и тоа уште еднаш го докажа“, рече извршниот директор на Opel Уве Хохгешурц на церемонијата на доделувањето на наградите, додавајќи: „Со најсовремените технологии и бескомпромисниот дизајн, Mokka-e ја прави е-мобилноста забавна на секој начин. Ние сме многу задоволни што нашите клиенти, читателите на Auto Bild и Bild am Sonntag, како и стручното жири размислуваат на ист начин.“