Рекорд на сите времиња

» Пред некој ден се запрашавме што може човек да направи со 135 милиони евра, а одговорот го добивме од Mercedes кој официјално потврди дека реткиот 300 SLR Uhlenhaut Coupe од 1955 година навистина е продаден за фантастични 135 милиони евра, што е рекордна сума на сите времиња дадена за автомобил. Зделката е реализирана на тајна аукција одржана на 5 мај во музејот на марката, а парите кои ги има искеширано приватен колекционер ќе бидат искористени за основање фонд за образовни и истражувачки стипендии во областите на науката за животната средина и декарбонизација за млади луѓе. Вториот направен примерок од овој славен автомобил останува во музејската збирка на Mercedes.